İŞİD terror qruplaşmasının Mosul valisi Rıdvan Talib Hamduni öldürülüb.
ANS PRESS-in məlumatına görə, bu barədə İraq Kürdüstan Demokrat Partiyasının Mosul təşkilatının rəhbəri Sait Memuzini açıqlama verib. Onun sözlərinə görə, koalisiya qüvvələrinin endirdiyi hava zərbələri nəticəsində İŞİD-in Mosul valisi ilə birlikdə 5 terrorçu məhv edilib.
Kürd partiyasının funksioneri öldürülən İŞİD-çilərin dünən Mosulun mərkəzi qəbirstanlığında dəfn olunduğunu iddia edib.
Bu arada İraq ordusu və Peşmergenin həyata keçirdiyi birgə hərbi əməliyyatda Diyalənın Xanakın mahalındakı İmam Veysi bölgəsi İŞİD-dən geri alınıb. Peşmerge komandiri Əhməd Latif koalisiya güclərinə aid döyüş təyyarələrinin əməliyyata dəstək verdiyini deyib.
İmam Veysin ələ keçirilməsi ilə Xanakın mahalı ilə Diyalə arasındakı quru yolun təhlükəsizliyi təmin olunub.
Keçirilən hərbi əməliyyatda İŞİD çoxsaylı itkilər verib.