Ötən gün UEFA Çempionlar Liqasının 1/8 final mərhələsinə yekun vurulub.
ÇL-nın ¼ final mərhələsinə keçən klubların adı müəyyənləşib. Lakin hələlik bu mərhələnin püşkü atılmayıb.
ANS PRESS-in məlumatına görə, ¼ final mərhələsinin püşkü atılmadan əvvəl qalmaqal yaşanıb. Belə ki, Çempionlar Liqasının rəsmi “Twitter” səhifəsində ¼ final mərhələsində qarşılaşacaq klubların siyahısı verilib. Belə bir iddianı “Football List” idman xəbər saytı irəli sürüb. Sayt “Twitter’ səhifəsində yer alan siyahının şəklini də təqdim edib. Saytın yazdığına görə, sonradan həmin siyahı ÇL-nln rəsmi “Twitter’ səhifəsindən silinib.
UEFA rəsmiləri bu xəbərin nə qədər düzgün olub-olmadığını araşdırmağa başlayıb.
Çempionlar Liqasının 1/4 final mərhələsinin püşkü bu gün atılacaq. UEFA-nın İsveçrənin Nyon şəhərindəki qərargahında keçiriləcək püşkatma mərasimi Bakı vaxtı ilə saat 15:00-da başlayacaq.
Çempionlar Liqasının 1/4 finalına vəsiqə qazanan komandalar bunlardır:
“Mançester Yunayted” (İngiltərə), “Borussiya” (Dortmund, Almaniya), “Bavariya” (Almaniya), “Atletiko” (Madrid, İspaniya), PSJ (Fransa), “Barselona” (İspaniya), “Çelsi” (İngiltərə) və “Real Madrid” (İspaniya).