NİDA vətəndaş hərəkatının daha bir üzvü, Anar Abdullayev “məlum olmayan səbəbdən”saxlanılıb, hərəkat sözçüsü Turqut Qəmbər BBC Azərbaycancaya deyib.
Bəzi məlumatlara görə, cənab Abdullayevə “10 sutka həbs cəzası” verilib.
Turqut Qəmbərin sözlərinə görə, Anarı son bir neçə gündür polislər yaşadığı məhəllədə axtarıb və bəzi “təhdidlər” ediblər və bundan sonra o, özü polisə təslim olub.
Daxili İşlər Nazirliyinin mətbuat xidmətindən baş vermiş hadisə ilə bağlı hər hansı məlumat əldə etmək mümkün olmayıb.