Azərbaycan Beynəlxalq Bankında (ABB) ciddi ixtisarlar aparılacaq. Bunu maliyyə naziri Samir Şərifov bildirib.
Nazir qeyd edib ki, bu addım bankda qənaət rejiminin tətbiqi ilə bağlıdır: “Bankın kollektivinin 25-30%-i ixtisar olunacaq. Bu, qənaət rejiminin tətbiqi ilə bağlıdır”.
S. Şərifov bildirib ki, bankda korporativ idarəetmə da xeyli təkmilləşdiriləcək.
Bundan başqa, nazir əlavə edib ki, ABB-nin sağlamlaşdırılması prosesi öz axarı ilə davam edir: “Bildiyiniz kimi, problemli aktivlər “Aqrarkredit” tərəfindən alınır. Bir sözlə, bankın sağlamlaşdırılması istiqamətində bütün zəruri tədbirlər görülür”.
Qeyd edək ki, bu gün S. Şərifov parlament seçkilərində iştirak etmək üçün 36 saylı Xətai IV seçki dairəsinin 6 saylı seçki məntəqəsinə gələrək səs verib.
Nazir bildirib ki, seçki prosesi yüksək səviyyədə təşkil olunub: “Səsvermə şəraiti yaxşıdır. Hesab edirəm ki, seçicilərin fəallığı da kifayət qədər yüksək səviyyədədir”.
Qeyd edək ki, hazırda Beynəlxalq Bankda 1200 nəfər çalışır. Bu da ixtisarlar 25 faiz olacağı təqdirdə 300, 30 faiz olacağı təqdirdə isə 400 nəfərin işini itirməsinə səbəb olacaq.
(apa)
