Almaniyanın ədliyyə naziri Xayko Mas Netzpolitik.org portalının jurnalistinə qarşı araşdırma qalmaqalına görə ölkənin baş prokuroru Xarald Rangeni istefaya göndərib. Bu barədə Deutsche Welle məlumat yayıb. Nazir bildirib ki, baş prokuror etimadı itirdiyinə görə istefaya göndərilib. Mas həmçinin qeyd edib ki, Rangenin jurnalistlərin gizli məlumat yayması işi ilə bağlı səsləndirdiyi ifadələr və hərəkətləri qəbuledilməzdir.
Cavabında baş prokuror ədliyyə nazirini “istintaqın aparılmasına müdaxilədə və məhkəmə sisteminin müstəqiliyin sarsıdılmasında” ittiham edib.
Rangeni baş prokuror postunda Münhen prokuroru Peter Frank əvəz edə bilər.
Xatırladaq ki, Xarald Renge Netzpolitik.org internet-nəşrinin əməkdaşlarına qarşı cinayət işi açıb. Buna səbəb saytda Almaniya xüsusi xidmət orqanlarının fəaliyyəti ilə bağlı yazının dərc edilməsidir.
Fizzə
