Sibirin Omsk şəhərində Hərbi Desant Qoşunlarının kazarması uçub, 23 əsgər həlak olub, 19 nəfər xəstəxanaya yerləşdirilib. Müdafiə Nazirliyinin sözçüsü Igor Konaşenkov iyulun 13-də itkilər barədə açıqlama verib. Xilasedicilər bütün gecəni işləyiblər.
Konaşenkov deyib ki, “dağıntılar altından 37 əsgər çıxarılıb, 23-ü həlak olub”.
Hazırda xilasedicilər daha 5 əsgəri axtarır.
Bazar günü axşam baş vermiş hadisənin səbəbi hələlik bəlli deyil. Ancaq Rusiyada tikinti zamanı təhlükəsizlik qaydalarının nəzərə alınmaması tez-tez qəzalara səbəb olur.
Hadisəyə partlayış və ya hücumun səbəb olması barədə də məlumat yoxdur.
