Srebrenitsa qətliamın 20-ci ildönümündə iştirak edən Serbiyanın baş naziri Alexander Vucic daşlanıb. Etirazçılar onu fitə basıb və daşa tutub. Baş nazir mərasimin keçirildiyi ərazidən çıxmalı olub.
Əvvəllər serbiyalı millətçi olmuş Vucic 1990-cı illərdə Slobodan Miloseviçin hakimiyyətində təmsil olunub.
Mərasimdə ABŞ-ın keçmiş prezidenti Bill Clinton, Türkiyənin baş naziri Ahmed Davudoğlu iştirak edib.
20 il əvvəl Srebrenitsa qətliamında 8 min bosniyalı qətlə yetirilmişdi. Bu, Avropada 2-ci Dünya Müharibəsindən sonra baş verən ən böyük qətliam sayılır (azadliq.org).
Birləşmiş Millətlər Təşkilatının nəzarətində olan Srebrenitsa şəhəri 1995-ci ilin iyul ayında Radko Mladiçin rəhbərlik etdiyi bosniyalı serblərin nəzarətinə verilmişdi. Serblrə də kişiləri ayırıb qətlə yetirmişdi.
