Milli Şuranın sədri, tarix elmləri doktoru, professor Cəmil Həsənlinin “İkinci Dünya Müharibəsi illərində Azərbaycan hərbi, siyasi və diplomatik münasibətlərdə (1939-1945)” adlı kitabı nəşr olunub. Bu haqda məlumatı professor Cəmil Həsənli özünün "facebook" səhifəsindən paylaşıb:
"Dəyərli dostlar, mənim bu kitabım yeni çapdan çıxıb. Kitab "İkinci Dünya Müharibəsi illərində Azərbaycan hərbi, siyasi və diplomatik münasibətlərdə (1939-1945)" adlanır. Kitabda müharibə illərində Azərbaycanın ətrafında cərəyan edən diplomatik mübarizə, Bakı neftinin dünya siyasətində rolu, SSRİ-nin İran siyasətində Sovet Azərbaycanının iştirakı, respublikanın regional siyasətdə yeri, Cənubi Azərbaycan məsələsinin dövlətlərarası münasibətlərə gəlməsi, Azərbaycan mühacirətinin siyasi, hərbi və diplomatik addımları geniş şəkildə araşdırılmışdır. Ümid edirəm, kitab tarixə maraq göstərən dostlarımız üçün əhəmiyyətli vəsait olacaq".
