Xəbər verdiyimiz kimi, AXCP Gənclər Komitəsinin fəalı Fuad Əhmədli aprelin 28-dən etibarən oğurlanıb. Xeyli axtarışlardan sonra onun Baş Mütəşəkkil Cinayətkarlıqla Mübarizə İdarəsinin əməkdaşları tərəfindən oğurlandığı məlum olub. Gənc fəal o vaxtdan bəri naməlum şəraitdə saxlanılır, onun başına nə gəldiyi bəlli deyil. Fuad Əhmədli bugünədək nə sərbəst buraxılıb, nə də yaxınlarına onunla görüşmək imkanı yaradılıb. Hətta Fuad Əhmədliyə vəkillə görüşə də imkan verilmir. DİN-in Mətbuat Xidmətinin əməkdaşı Orxan Mənsurzadə isə mayın 7-də “Azadlıq”a açıqlamasında, onlarda Fuad Əhmədli ilə bağlı hər hansı məlumat olmadığını, bu xəbəri mətbuatdan eşitdiyini bildirmişdi. Orxan Mənsurzadə, onu da qeyd etmişdi ki, ən qısa zamanda xəbəri araşıdırıb içtimaiyyətə bu haqda rəsmi məlumat veriləcəklər. Lakin üstündən bir sutka keçməsinə baxmayaraq nə DİN məsələyə aydınlıq gətirib, nə də Fuad Əhmədli haqda hər hansı məlumat var.
DİN-in mətbuat xidməti isə telefonlarımıza cavab vermir.
