Binəqədi rayonunun 7-8-ci mikrorayonlarında dünəndən bəri su yoxdur. “Azərsu”nun mətbuat xidmətinin rəhbəri Anar Cəbrayıllının Lent.az-a verdiyi məlumata görə, qurumun Binəqədi r-nu 9-cu mikrorayonda yerləşən anbarından digər ərazilərə ötürülən su xətlərində qəza baş verib. “Azərsu” rəsmisinin sözlərinə görə, hazırda qəzanın aradan qaldırılması ilə bağlı tədbirlər görülür. Gün ərzində qeyd olunan əraziyə su verilməsi bərpa ediləcək.
