Ukraynada rəsmi səfərdə olan Türkiyə prezident Ərdoğanı kiçik bir qrup etirazla qarşılayıb. Əllərində "Taksim Meydanı", "Qatil xoş gəlmədin" şüarları tutan etirazçılar, Ərdoğanın avtoritar siyasətinə qarşı olduqlarını bildiriblər: "O, diktatordur. Bizim köhnə prezidentimiz kimi sülh tərəfdarlarına şiddət tətbiq edir",- deyə aksiyaçılardan bir bildirib. Digər aksiya iştirakçısı isə Ərdoğanın səfərinə görə prezident Poroşenkonu ittiham edib: "Biz preident Poroşenkonun Fransada "Mən Charlie Hebdoyam" şüarı ilə keçirilən dəstək yürüşünə qatılandan sonra Ərdoğanı ölkəmizə dəvət etməsini anlamırıq". Etirazçılar eyni zamanda, rəsmi Ankaranın İŞİD-ə silah verdiyini və yaralı terroristlərin Türkiyədə müalicə olunduğunu da iddia ediblər. azadliq.info
