Fevralın 18-də Nəsimi Rayon Məhkəməsin həbsdə olan hüquq müdafiəçisi Leyla Yunusun həbs müddətinin 5 aya daha uzadılması ilə bağlı qərar çıxarıb. Bu haqda vəkil Elçin Qəmbərov məlumat verib. Məhkəmə bu qərarı Leyla Yusus haqda seçilmiş həbs qətimkan tədbirinin müddətinin uzadılması barədə istintaq orqanın verdiyi təqdimata əsasən çıxarıb.
Sülh və Demokratiya İnstitutunun rəhbəri Leyla Yunus ötən il iyulun 30-da 3 aylıq həbs olunub. Oktyabrın 24-də həbs müddəti daha 4 ay uzadılmışdı. Bu il fevralın 28-də həmin müddət başa çatacaqdı.
Leyla Yunus dövlətə xəyanətdə və maliyyə cinayətlərində ittiham olunur. Hüquq müdafiəçisi həbsini siyasi sifariş hesab edir.
