Məhkəmə binasının qarşısındakı fəalların bildirdiyinə görə, Təzəxan Mirələmliyə 15 sutka inzibati həbs cəzası verilib.
***
AXCP Cəlilabad şöbəsinin sədri Təzəxan Mirələmlini bir saat əvvəl evdən çıxarkən, iki polis nəfəri saxlayaraq, heç bir şey izah etmədən, Nərimanov rayon polis idarəsinə aparıblar. Sonra orda da heç bir şey demədən, protokol tətbiq edərək, 310-cu maddə ilə (polisə müqavimət) Nərimanov rayon məhkəməsinə aparıblar. Hazırda işə Nərimanov məhkəməsində baxılır.
Bu barədə AXCP sədrinin müşaviri Məmməd İbrahim facebook-da məlumat yayıb. Onun yazdığına görə, Təzəxan bəyə telefon əlaqəsi saxlayıb, özünün gümanına görə onu, Cəlilabadda elan olunmuş mitinqlə əlaqədar saxlayıblar və yəqin ki, bir neçə sutka həbs cəzası verəcəklər.
