Monitorinq plan barədə yerlərdə təsəvvürün olmadığını göstərib
Neftçilərin Hüquqlarını Müdafiə komitəsi “Açıq hökumət təşviqi” layihəsi çərçivəsində apardığı monitorinqin nəticələrini açıqlayıb. “Central Palace” otelində keçirilən təqdimat mərasimində monitorinqin iştirakçısı olan tərəfdaş təşkilatlar da iştirak edib. Layihə ABŞ-ın «Revenue Watch» təşkilatının maliyyə dəstəyi ilə həyata keçirilib. M.Qəhrəmanlının sözlərinə görə, layihə icraçıları Azərbaycanın 4 rayonunda Salyan, Neftçala, Lənkəran, Şirvanda açıq hökumət üzrə Milli Fəaliyyət planının icrasının hansı səviyyədə reallaşdırıldığının monitorinqini aparıblar. Monitorinqlər adı çəkilən Planının dövlət orqanlarında fəal ictimai iştirakçılığın səviyyəsi və dövlət orqanlarının öz fəaliyyətləri barədə ictimaiyyəti məlumatlandırması istiqamətləri üzrə aparılıb. Monitorinq 2013-cü ilin avqustundan dekabrına qədər aparılıb.
M.Qəhrəmanlının sözlərinə görə, Milli Fəaliyyət Planında nəzərdə tutulan tədbirlər 30 faiz yerinə yetirilsəydi, ortada tam fərqli mənzərə ola bilərdi. Amma monitorinqin nəticələri Milli Fəaliyyət Planı haqqında əyalətlərdə ümumiyyətlə məlumatın olmadığını ortaya çıxarıb.
Layihənin eksperti, iqtisadçı Rövşən Ağayev monotorinqi yerli rəsmi icra qurumlarına sorğular göndərməklə, rəsmi qurum təmsilçilərilə müasahibələr aparmaqla icra etdiklərini bildirib. Eyni zamanda 4 rayonda 200 nəfərin iştirakı ilə açıq sorğu sualları ilə müsahibələr aparılıb. Milli Fəaliyyət Planında nəzərdə tutulan yerli idarəçilik orqanlarında İctimai Şuraların yaradılması, onların real fəaliyyəti, təşəbbüsləri, reqlamentlərinin olması, internetdə interaktivliyi monitorinqin icra əhatəsinə daxil olub. Eyni zamanda yerli rəsmi qurumların fəaliyyəti haqda informasiyaların əlçatan olması da tədqiq obyekti olub: «Monitorinqin nəticələri göstərdi ki, dörd rayonun heç birində İctimai Şuralar yaradılmayıb. Hətta bu barədə müzakirələr belə aparılmayıb. Maraqlıdır ki, rəsmi orqanlara ünvanladığımız suallar sırasında layihənin yerinə yetirilməsinin səbəbləri soruşulsa da, buna cavab verilməyib».
R.Ağayev bundan başqa bildirdi ki, monitorinq nəticəsində məlum olub ki, əhali ilə «açıq mikrafon» görüşləri keçirilsə də, bu tədbirlər barədə əhalinin geniş kütlələrinə məlumat verilməyib: «Yerli media orqanlarında Şura ilə bağlı bir infoirmasiya belə əksini tapmayıb. Bu isə Şura ilə bağlı yerli hakimiyyət orqanlarının əhalini maarifləndirməməsi kimi dəyərləndirilib. Sakinlər onları narahat edən məsələlərlə bağlı internet vasitəsilə suallr ünvanlasalar da onlara cavab verilməyib. “Açiq mikrofon” görüşləri olsa da, bu görüşlərdə təkliflər səslənsə də həmin təkliflərin biri belə həyata keçirilməyib».
Bundan başqa R.Ağayevin sözlərinə görə, icra hakimiyyətlərinin saytlarında rayona sərf edilən vəsaitlər, büdcə xərcləmələri dövlət satın almaları, kommunal xidmətə görə yığılan vəsaitlər, iş yerləri haqda informasiya yerləşdirilməyib. Fəaliyyətə dair hesabatlar ayayılmır, ancaq hesabatın qısa xülasəsi sayta yerləşdirilir.
Layihənin nəticələri ilə bağlı hazırlanan hesabat Prezident Administrasiyasına da göndərilib.
Xəyal
