5.7 bal gücündə baş verən zəlzələnin episentri Hacıqabul olub
Azərbaycanda zəlzələ baş verib. Zəlzələ Bakı da daxil omaqla əksər yerlərdə hiss edilib. Respublika Seysmoloji Xidmət Mərkəzinin direktoru Qurban Yetirmişlinin ANS-ə verdiyi məlumata görə, yeraltı təkanlar yerli vaxtla saat 16:06-da Saatlıdan 41 km şimal-şərqdə, Hacıqabul ərazisində qeydə alınıb.
Zəlzələnin maqnitudası 5,7, dərinliyi isə 55 km olub. Respublika Seysmoloci Xidmət mərkəzindən verilən məlumata görə, zəlzələ episentrdə 6 bala yaxın, respublika ərazisində isə 5 bala qədər hiss olunub. Qurban Yetirmişli zəlzələnin təkrarlanması ilə bağlı narahatlıqlara əsas olmadığını deyib.
Azərbaycanda baş verən yeraltı təkanlar Şamaxı və Bakı ərazisində zəlzələ ocağında baş verib. Bunu isə ANS PRESS-ə Respublika Seysmoloji Xidmət Mərkəzinin seysmoloji şöbəsinin müdiri Tahir Məmmədli məlumat verib.
“Zəlzələnin maqnitudası 5.80 olub. Təkanlar yerli vaxtla saat 16:06 Saatlıdan 41 km şimal-şərqdə Hacıqabul ərazisində qeydə alınıb. Zəlzələ payatxtda və ölkənin bir çox rayonlarında hiss olunub”, – deyə Tahir Məmmədli məlumat verib.
Onun sözlərinə görə, zəlzələ çox güclüdür: “Bu yeraltı təkanlardan sonra, çoxlu sayda avtorşoklar olacaq. Hazırda mütəxəssislərimiz zəlzələ baş verən ocağda işləyir. Zəlzələni mərkəzi öyrənilir”.
Fövqələda Hallar Nazirliyindən isə ANS PRESS-ə verilən məlumata görə, qurumun qaynar xəttinə ölkənin heç bir yerindən dağıntılar və xəsarət barədə məlumat daxil olmayıb.
Zəlzələ əhali arasında qorxuya səbəb olub.
