Ötən gecə Azərbaycan Ordusunun əsgəri hərbçi yoldaşını ehtiyatsızlıq nəticəsində güllələyib. ANS PRESS-in məlumatına görə, Müdafiə Nazirliyinin “N” saylı hərbi hissəsinin əsgəri 20 yaşlı Zamin Malik oğlu Məmmədovun tabeliyindəki avtomat silahdan təhlükəsizlik qaydalarının pozulması nəticəsində atəş açıb. Açılan atəş nəticəsində güllə onun əsgər yoldaşı, 20 yaşlı Elnur Sahib oğlu Əhmədova dəyib. Ayağından güllə yarası alan əsgər hospitala yerləşdirilib. Müdafiə Nazirliyinin mətbuat xidməti ANS PRESS-ə açıqlamasında faktı təsdiqləyib. Ehtiyatsızlıq nəticəsində yaralanan Elnur Əhmədov Tovuz rayonundan həqiqi hərbi xidmətə çağırılıb. Onu vuran əsgər Zamin Məmmədov isə Qubadan çağırılıb.
Azərbaycanda əsgər yoldaşını güllələdi
•
