«Il ərzində 12 adam öldürmə cinayətinin açılmaması böyük biyabırçılıqdır»
Müzəffər Baxışov: «Bu onu göstərir ki, hüquq-mühafizə orqanlarının əməkdaşlarının peşəkarlığı sıfır səviyyəsindədir»
2013-cü ildə baş vermiş 12 (2012-ci ildə 8) qəsdən adam öldürmə və 1 (2012-ci ildə 2) qəsdən adam öldürməyə cəhd cinayətləri açılmamış qalıb. APA-nın məlumatına görə, bu barədə Baş Prokurorluqda keçirilən kollegiyada hesabat məruzəsi ilə çıxış edən Baş prokurorun birinci müavini Rüstəm Usubov bildirib. Maraqlıdır ki, 2013-cü ildə 12 qəsdən adam öldürmə cinayətinin açılmaması subyektiv, yoxsa obyektiv səbəblərlə bağlıdır. Bu göstərici cinayətkarların peşəkarlaşmasının, yoxsa hüquq-mühafizə orqanlarının məsuliyyətsizliyinin nəticəsi sayıla bilər.
Hüquqşünas Müzəffər Baxışov bildirdi ki, dünyanın ən demokratik dövləti sayılan ABŞ-ın özünün də belə açılmamış cinayət hadisələri var. Bu dövlətdə hətta faizi bizdən də yüksək olur. M.Baxışovun sözlərinə görə, buna səbəb cinayətlərin qeydiyyatı məsələsində saxtakarlığa yol verilməsidir: “Oğurluq cinayətinin üstünün açılması çətin olan zaman, bir qayda olaraq hüquq mühafizə orqanları onu qeydə almamağa çalışırlar. Amma Azərbaycan kimi bir dövlətdə 2013-cü ildə baş vermiş 12 qəsdən adam öldürmə cinayətinin açılmaması böyük biyabırçılıqdır. Bu onu göstərir ki, hüquq-mühafizə orqanlarının əməkdaşlarının peşəkarlığı sıfır səviyyəsindədir. Istər polis, istər prokurorluq, istəsrə MTN qanunla onlara tapşırılan işlərin görülməsi əvəzinə, diqqətlərini digər işlərə cəlb edirlər. Bu sırada siyasi məsələləri, sahibkarların güdülməsini, incidilməsini göstərmək olar. Əməkdaşların professional səviyyəsinin aşağı düşməsinə səbəb olur. Azərbaycan ictimaiyyəti qəsdən adam öldürmə cinayətləri ilə bağlı hüquq-mühafizə orqanlarına məlumat verirlər. Azərbaycanda il ərzində təqribən 270 qəsdən adam öldürmə cinayəti törədilir. Bu cinayətlərdən 13-nün açılmaması böyük bir rəqəmdir. Bu ölkədə kadrların, xüsusilə də baş prokurorun yerində olmadığını göstərir”.
Millət vəkili, sabiq baş prokuror Ilyas Ismayılov isə hesab edir ki, bu statistikanın yaranması müxtəlif səbəblərlə bağlı ola bilər. Burada səbəblər sırasında həm cinayətin istintaqı çətinliklərini, qərəzli münasibəti göstərmək olar.
Hikmət
