Rezayi Həddad: “İran hərbi-dəniz donanmasının gəmiləri Cənubi Afrika sahillərindən keçməklə Atlantik okeana yol alıblar. Bu manevr bir ismarışdır”
Bu gün İran hərbi dəniz qüvvələrinin rəhbərliyi Birləşmiş Şatatların dəniz sərhədlərinə gəmilər göndərməsi barədə məlumat yayıb.
ANS PRESS “Fars” agentliyinə istinadən bildirir ki, İranın şimal dəniz donanmasının komandiri admiral Rezayi Həddad bildirib: “İran hərbi-dəniz donanmasının gəmiləri Cənubi Afrika sahillərindən keçməklə Atlantik okeana yol alıblar. İran hərbi donanması ABŞ-ın dəniz sahillərinə yaxınlaşır və bu manevr bir ismarışdır”.
İranla altı beynəlxalq vasitəçi arasında nüvə proqramı məsələsində razılaşma əldə edilməsinə baxmayaraq ABŞ-la İran arasında münasibətlər gərgin olaraq qalır. 2010-cu ildən İran neytral sularda hərbi mövcudluğunu artırmağa başlayıb.
“Fars” agentliyinin yazdığına görə, İranın bu addımı ABŞ hərbi-dəniz qüvvələrinin Fars körfəzində möcudluğunun güclənməsinə qarşı cavabdır.
