“O, Azərbaycandakı korrupsiyalaşmış sistemə meydan oxuyur”
Rusiyanın «Novaya qazeta» nəşri bu günlərdə 75 yaşı tamam olan tanınmış yazıçı və ssenarist Rüstəm İbrahimbəyova həsr olunmuş məqalə dərc edib.
Məqaləni ixtisarla təqdim edirik:
Rüstəm İbrahimbəyovun taleyində siyasət və incəsənət gözlənilməz bir axında qarışıb. Yazıçı üçün siyasət – ambisiyaların təmin edilməsi deyil, postsovet məkanının bir çox ölkələrini bürüyən total korroziya, mənəvi deqradasiyaya müqavimət göstərməkdir. Qədimdə sual edirdilər – «şair nə üçün lazımdır – şəhəri oyatması üçün».
İbrahimbəyovun «Zəng kimin üçün çalınır» məqaləsi partlayan bomba effekti verdi. Bu məqalədə o Azərbaycandakı korrupsiyalaşmış sistemə meydan oxuyur, misli görünməmiş maliyyə sui-istifadə hallarından, xalqın səssizliyi və itaətkarlığı səbəbindən azğınlaşan hakimiyyət barədə kədər hissi ilə danışır. Belə şeyləri bağışlamırlar. Yazıçının müxalif Demokratik Qüvvələrin Milli Şurasının vahid namizədi kimi Azərbaycan prezidentliyinə namizədliyini irəli sürmək qərarı ilə bağlı məlumat daha böyük şok yaratdı. İbrahimbəyovun nüfuzdan salınması ilə bağlı genişmiqyaslı kampaniya dərhal təqib xarakteri aldı. «Birmənalı siyasi situasiyanın olmadığı ölkədə siyasətə nə səbəbdən qoşuldun?» sualına İbrahimbəyov «Bu gün də siyasətdə olduğumu hesab etmirəm» cavabını verir. «Hələ 2008-ci ildə «Dalğaların toplanması» povestini yazdım. Bu povestə və digər əsərlərimdə ölkədə baş verənlər barədə həqiqəti deməyə çalışırdım. Bir müddət belə yazılara göz yumurdular. Ancaq 1997-ci ildən başlayaraq Bakıda faktiki olaraq ictimai fikir hesab olunan hər şey məhv edildi. Mövcud rejim formal olaraq demokratik adlandırılır, əslində isə yad fikri qəbul etməyən avtoritarizmdir», – deyə İbrahimbəyov bildirir.
R.İbrahimbəyovun sözlərinə görə, bir-iki il əvvəl onun təklifi ilə bir neçə ziyalı – xalq şairi, görkəmli alim, dünya şöhrətli tarixçi, yazlığı əsərə görə hədəfə alanan həmin Əkrəm Əylisli bir yerə yığışıb cəmiyyətin ağrılı problemlərini müzakirə edirdi. Beləcə Ziyalılar Forumu yarandı. Sonradan onun ideyası ilə Demokratik Qüvvələrin Milli Şurası yaradıldı. 20 ildə ilk dəfə bütün müxalifət qüvvələri birləşdi. Təşəbbüs cəzaya layiqdir: razılığa gələ bilməyənlər İbrahimbəyovun neytral fiquru üzərində dayanır və onu Şuranın sədri olmağa inandırır. Ancaq Azərbaycanda seçkilərdə mübarizə aşkar nəticəsiz qalır. Hakimiyyət böyük maliyyə və inzibati resurslara malikdir. Rəsmi məlumata görə, İlham Əlmyev seçkidə qələbə qazanıb.
Ancaq İbrahimbəyovun nəzər nöqtəsi fərqlidir: «Əslində bu Pirr qələbəsidir. Bunu bütün dünya bilir. seçkilərə qiymət verməyə hüquqi haqqı olan ATƏT DTİHB məntəqələrin 58%-də qayda pozuntusu qeyd alaraq seçkilərin nəticəsini şübhə altına aldı. Seçicilərin gözü qarşısına topa bülletenlərin atıldığını təsdiq edən sənədlər var».
İbrahimbəyov təxminən bir ildir Bakıya getmir. Mövcud hakimiyyətin onunla münasibəti gərgindir. Onu qorxutmaq üçün bir dəfə sərhəddə saxlayıblar. Bununla belə o qayıtmağı planlaşdırır. İbrahimbəyov dünənindən imtina etmir. bəlkə elə ona görə 50-dən artıq ssenarinin müəllifi müxtəlif ölkələrdən olan həmkarlarının hörmətini qoruyub saxlaya bilib. O indi də yaxşı yaradıcı formadadır.
azadlıq.info
