2014-cü ildə mənzillər 10 faiz bahalaşacaq

Nüsrət Ibrahimov: «Qiymətlərdə artım mənzil bazarında təklifin azalması ilə bağlıdır»

 

2013-cü il ərzində Bakının ilkin mənzil bazarında qiymətlər 28,9 faiz artıb. Bu barədə “Trend”ə “MBA Group” konsaltinq şirkətinin baş direktoru Nüsrət Ibrahimov bildirib. Onun sözlərinə görə, yanvar ayında ilkin bazarda mənzilin bir kvadratmetri orta hesabla 889 dollar olub, dekabrda isə bir kvadratmetrin qiyməti 1146 dollara çatıb. 

N.Ibrahimov deyib ki, ki, bahalaşma paytaxtda söküntü işlərinin genişlənməsi, eləcə də təklif portfelində ucuz mənzillərin payının tədricən azalması  və müvafiq olaraq nisbətən daha bahalı mənzillərin payının artması ilə bağlıdır. 

“MBA Group”un monitorinqinə görə, Bakıda ilkin daşınmaz əmlak bazarında qeyri-yaşayış binaları da bahalaşıb. Belə ki, ötən ilin sonuna bir kvadratmetrin dəyəri 2013-cü ilin yanvarındakı 2821 dollara qarşı 2907 dollar təşkil edib.

“Azadlıq”a açıqlamasında Nüsrət Ibrahimov 2014-cü il ərzində ümumi bazarda qiymətlərin altı-səkkiz faiz artacağını bildirdi. Mənzil bazarında isə 10-12 faiz bahalaşma gözlənilir. Qiymətlərdə artım mənzil bazarında təklifin azalması ilə bağlıdır. Bazarda mövcud təklifin həcmi tələbin həcmindən azdır. 

Fizzə