SOCAR Münhen konfransına pul buraxıb

Məlum olduğu kimi hər il fevralın əvvəllərində Almaniyanın Münhen şəhərində Təhlükəsizlik problemləri üzrə beynəlxalq konfrans keçirilir. Konfransın təşkilinə Almaniya hökumətinin özü nəzarət edir. Konfransın keçirilməsi üçün tələb olunan vəsaitin böyük hissəsini Almaniya hökuməti ayırır. Bununla yanaşı müxtəlif şirkətlər konfrasnın sponsoru kimi çıxış edirlər. Almaniyanın “Süddeutsche zeitung” qəzeti yazır ki, bu dəfəki sponsorlar içərisində ARDNŞ-də olub. “Sponsorlar içərisində diqqətimizi bir şirkət cəlb etdi. Bu şirkət Rusiya kimi demokratiya sahəsində çox ciddi problemləri olan Azərbaycanı təmsil edir”, – deyə qəzet yazır. Qəzet aydınlıq gətirir ki, söhbət Rövnəq Abdullayevin rəhbərlik etdiyi ARDNŞ-dən gedir. Məlumatda Rövnəq Abdullayevin həm də AFFA-nın prezidenti olduğu qeyd edilir.