Moskvada məktəbə silahlı basqın VİDEO

Məktəbin şagirdi uşaqları girov götürdü, bir müəllimi və bir polisi öldürdü

Rusiya paytaxtında silahlı insident olub. Naməlum şəxs Moskvada yerləşən 263 saylı məktəbin binasına daxil olaraq odlu silahdan atəş açmağa başlayıb. Nəticədə orta məktəbin müəllimi və hadisə yerinə gələn bir polis əməkdaşı ölüb. Bir polis əməkdaşı isə yaralanıb. Silahlı şəxsin məktəbin təhlükəsizlik xidmətinin əməkdaşını hədələyərək içəri daxil olduğu bildirilir.
Təhlükəsizlik Xidmətinin əməkdaşı hadisə yerinə polisləri çağırıb. Bu zaman silahlı şəxs məktəbin pəncərəsindən polislərə atəş açmağa başlayıb. Silahlı şəxs sonradan  şagirdləri girov götürüb.ÿRusiyanın daxili işlər naziri Vladimir Kolokoltsev hadisə yerinə gəlib. Məktəb binası polis qüvvələri tərəfindən əhatəyə alınıb. Çox keçməmiş şagirdləri girov götürmüş şəxs saxlanılıb və onun kimliyi məlum olub. Bu, həmin məktəbin 11-ci sinif şagirdi Sergey Qordeyevdir. Rusiya hüquq-mühafizə orqanlarındakı mənbənin “Interfaks”a verdiyi məlumata görə, insidentə səbəb məktəbdə baş vermiş münaqişə olub.ÿ
Rusiya Istintaq Komitəsinin xüsusi nümayəndəsi Vladimir Markinin sözlərinə görə, baş vermiş faktla bağlı Rusiya Federasiyası Cinayət Məcəlləsinin qəsdən iki və ya daha çox şəxsi öldürmə, iki və ya daha çox şəxsi girov götürmə və qanunsuz odlu silah gəzdirmə maddələri ilə cinayət işi açılıb: “Insidenti törədən şəxs artıq istintaqa təhvil verilib. Hazırda onun ilkin ifadəsi alınır” (APA).