Deputat Zahid Oruc yaxın adamının donvurmadan öldüyü haqda xəbəri təkzib edib. O, “virtualaz.org”a deyib ki, məlumat yalandır və onunla dəqiqləşdirilmədən yayılıb: “Bəzi jurnalistlər məndən bu məsələ ilə bağlı münasibət öyrənmədən təsdiq yazıblar. Bu, tamamilə yalan xəbərdir və cəfəngiyyatdır”.
Məlumatı “modern.az” saytı yayıb. Məlumatda deyilir ki, Z.Orucun 42 yaşlı yaxını gecə işdən çıxaraq evə gələrkən buz üstə sürüşərək huşunu itirib. Köməksiz vəziyyətdə səhərə qədər buzun üstündə qalan həmin şəxs donaraq ölüb. “Millət vəkili ötən bazar günü yaxınının yas məclisində iştirak edib. Həmin şəxs Heydər Əliyev adına Hava Limanında çalışırmış.
Məlumat dəqiqləşdirilmək üçün Zahid Orucla da əlaqə saxlanılıb. Millət vəkili xəbəri təsdiqləyərək hadisənin bir faciə olduğunu söyləməklə kifayətlənib. Eyni zamanda dünyasını dəyişən şəxsin ona yaxın insan olduğunu və ötən bazar yas mərasiminə qatıldığını da təsdiqləyib”, – deyə sayt xəbər verib.
