Tankların cəbhə xəttinə göndərilməsi təkzib olundu

Azərbaycan Silahlı Qüvvələri Baş Qərargahının rəisi, general-polkovnik Nəcməddin Sadıqov Azərbaycan ordusunun tanklarının cəbhə xəttinə doğru irəli çəkməsi barədə yayılan informasiyalara münasibət bildirib.
Baş Qərargah rəisi ANS telekanalına açıqlamasında bu informasiyaların həqiqətə uyğun olmadığını deyib. N.Sadıqovun sözlərinə görə, Qarabağ separatçılarının Azərbaycan tanklarının cəbhə bölgəsinə doğru irəliləməsi barədə yaydığı informasiyalar yanlışdır.
Xatırladaq ki, Azərbaycan silahlı qüvvələrinin təmas xəttinin bəzi istiqamətlərində “müəyyən miqdarda” ağır zirehli texnikanı döyüş mövqelərinə çıxardığı barədə qondarma “DQR müdafiə nazirliyi” məlumat yaymışdı. Azərbaycanın bəzi mətbuat orqanları da bu xəbəri Müdafiə Hazirliyindəki “mənbələr” tərəfindən təsdiqlənmiş xəbər kimi ictimaiyyətə sırıyırdılar.