Kanadanın Toronto şəhərinin meri Rob Fordu polislər cərimələyib. Mer küçəni keçərkən müəyyən olunmuş qaydaları pozmaqda günahlandırılır. Rob Ford bu məsələylə bağlı bildirib ki, dostlarıyla oteldən çıxıb Çin restoranına gedərkən polislər onu saxlayıb: “Bildirdilər ki, yolu qadağan olunmuş yerdə keçdiyimə görə cərimə olunuram”.
Qeyd edək ki, Torontonun meri başı qalmaqallardan açılmayan şəxs kimi tanınır. O, şəhərdə şəxsi maşını ilə gəzməyi çox sevir. Maşını özü sürür və dəfələrlə yol hərəkəti qaydalarını pozduğuna görə cəzalandırılıb.
azadliq.info