Rəsul Cəfərov: «Azərbaycan nümayəndə heyəti öz imicini düşünmür»
Məlum olduğu kimi, AŞ PA-da “Maqnitski” məsələsi ilə bağlı səsvermə keçirilib. Səsvermədə Azərbaycan və Rusiyadan olan deputatlar sənədin əleyhinə səs verib. Qeyd edək ki, ABŞ konqresinin qəbul etdiyi “Maqnitski qanunu” ayrı-ayrı ölkələrdə insan haqlarını pozan vəzifəli şəxslərə qarşı tətbiq olunur.
AŞPA-da keçirilən səsvermədə isə Azərbaycanı təmsil edən 6 deputatın hamısı bu sənədin əleyhinə çıxıb. Bu da təsadüfi deyil. Azərbaycanda insan haqlarının pozulması dəfələrlə beynəlxalq təşkilatların hesabatlarında da öz əksini tapıb. Hakimiyyət nümayəndələrinin “Maqnitski” qanununa qarşı çıxması isə onların narahatçılığından xəbər verir. Çünki “Maqnitski qanunu” işləyəcək və hədəf avtoritar ölkələr olacaq. Ən çox siyasi məhbusu olan, həbsxanada işgəncə ilə ölənlər, insan haqlarının vəziyyətinin pis olduğu ölkə Azərbaycandır.
Hüquq müdafiəçisi Rəsul Cəfərovun fikrincə, bu, birbaşa olaraq onun göstəricisidir ki, Azərbaycan nümayəndə heyəti bu qətnamə əleyhinə səs verməklə Azərbaycanda insan haqlarının pozulmasını və “Maqnitski” qanunu kimi layihələrinin gələcəkdə ölkəmiz üçün də keçərli ola biləcəyini etiraf ediblər. Çünki bu qətnamənin aşağı yuxarı Azərbaycanla əlaqəsi yox idi və qətnamənin əleyhinə səs vermək üçün başqa səbəblər olmalı idi.
Digər bir səbəb isə digər avtoritar rejimi – Putin Rusiyasını təmsil edən şəxslərə dəstək ifadə etmək olub. Azərbaycan nümayəndə heyətinin üzvləri öz imiclərini düşünmədən bunu ediblər. Çünki imicləri onsuz da aşağıdır. Bununla isə bir az da biabırçı şəkilə endiriblər: “Xatırlayırsınızsa, ötən ilin yanvarında Azərbaycanda siyasi məhbuslarla bağlı qətnamədə səsvermə zamanı Rusiyadan olan bütün deputatlar bu qətnamənin əleyhinə səs vermişdilər. Azərbaycanlı deputatlar da buna bu yolla cavab veriblər”.
Fizzə
