Bakı İstintaq Təcridxanasında saxlanan Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədliyə yanvarın 31-də valideynləri baş çəkib. Anar Məmmədlinin atası Asəf Məmmədovun verdiyi məlumata görə, oğlunun əhval-ruhiyyəsi yaxşıdır.
Bu, Anar Məmmədli həbs ediləndən sonra valideynlərinin onunla ilk görüşüdür.
Anar Məmmədli ötən il dekabrın 16-da həbs olunub, qanunsuz sahibkarlıq fəaliyyəti ilə məşğul olmaqda, vergidən yayınmada, vəzifə səlahiyyətlərindən sui-istifadədə təqsirli bilinir.
Yerli və beynəlxalq təşkilatlar Anar Məmmədlinin günahsız olduğunu vurğulayır və onun dərhal azad edilməsini istəyirlər.
