İran Səhiyyə Nazirliyinin yüksək rəsmisi Məhəmməd İsmayıl Mütləq jurnalistlərə açıqlamasında qanunsuz abortların sayının kəskin artdığını deyib.
İranda qadınların abort etməsi qadağandır. Lakin ana və ya uşağının həyatı təhlükə ilə üz-üzə qaldığı təsdiq edildiyi təqdirdə həkimlərin məsləhəti ilə müəyyən hüquqi proseduradan sonra aborta icazə verilir.
“Media forum” saytının məlumatına görə, ölkədə hər il 1 milyon 750 min hamiləliyin qeydiyyata alındığını bildirən Məhəmməd İsmayıl Mütləq deyib ki, gənclərin, o sıradan gənc qızların nikahdan kənar cinsi əlaqəyə girməsi nəticəsində son 15 ildə ölkədə gizli və qanunsuz abortların sayı üçqat artıb: “Ölkədə hər il 256 min abort edilir. Bunların 6 mini qanuni şəkildə, 250 mini isə gizli və qanunsuz şəkildə olur. Mütəxəssis həkimin nəzarəti olmadan gizli şəkildə edilən abortlar nəticəsində qadınların həyatı ciddi təhlükə ilə üz-üzə qalır”.
