Yanvar ayının 29-da Müsavat Partiyasının Qadınlar Birliyinin təşkilatçılığı ilə partiyanın qərargahında M.Ə. Rəsulzadənin 130 illik yubileyinə həsr olunmuş “M.Ə. Rəsulzadə milli dövlətçiliyin ideoloqudur” mövzusunda konfrans keçirilib.
Konfransa partiya üzvləri ilə yanaşı vətəndaş cəmiyyətinin fəalları da qatılıblar.
Müsavat Partiyası Qadınlar Birliyinin sədri Ellada Məmmədli tədbiri açaraq, Rəsulzadənin həyatına qısa nəzər salıb, Azərbaycanın müstəqilliyi yolunda onun gördüyü işlərdən bəhs edib.
Professor Almaz Əliqızı Rəsulzadənin elmi-nəzəri görüşləri mövzusunda məruzə ilə çıxış edib.
DEVAMM sədri Hacı İlqar İbrahimoğlu “Rəsulzadə və İslami kimlik”, Azərbaycan Kültür Dərnəyinin başqanı Cəmil Ünalın xanımı Nəsrin Ünal “Rəsulzadə və milli məfkurə”, Müsavat Partiyası təhsil komissiyasının sədr müavini Məlahət Mürşüdlü “Rəsulzadə irsində təlim-tərbiyənin rolu” mövzularında çıxış ediblər.
