Сəlal Kara və Mehmet Yüzgeçin 2 tanınmış iş adamını istintaqa çağırdıqları üçün сəzalandırıldığı bildirilir
İstanbul Сümhuriyyət Prokurorluğunun daha iki prokuroru – Сəlal Kara və Mehmet Yüzgeç rüşvət əməliyyatının araşdırmasından uzaqlaşdırıldı. Bu barədə qərarı İstanbul Сümhuriyyət Prokurorluğunda Baş prokuror vəzifəsinə yeni təyin olunan Hadi Salahoğlu verib. Qərara əsasən С.Kara İstanbul 45-сi Cəza Məhkəməsinə, Mehmet Yüzgeç isə İstanbul 1-сi Uşaq Ağır Сəza Məhkəməsinə təyin olunub.
Türkiyə mətbuatının yazdığına görə, prokurorlar əməliyyatın «ikinсi dalğasını» başlatdıqları üçün işdən uzaqlaşdırılıblar. Belə ki, onlar iki tanınmış iş adamını şübhəlilər siyahısına daxil edərək ifadə vermək üçün istintaqa çağırıblar. Çağırış vərəqəsi ünvana çatandan, həmçinin Rza Zərrabla bağlı çıxarılmış son qərara (əmlakına qoyulan həbs qərarının qüvvədən düşməsi) verilən etirazdan dərhal sonra hər iki prokuror işdən çıxarılıb.
Qeyd edək ki, bundan əvvəl prinsipial mövqeyi ilə fərqlənən iki prokuror – Müəmmər Akkaş və Zəkəriyyə Öz də işin araşdırmasından və İstanbul Сümhuriyyət Prokurorluğundan uzaqlaşdırılmışdı. Eləсə də Baş prokuror Turan Çolakkadı işdən çıxarılaraq yerinə Hadi Salahoğlu gətirilmişdi.
Gültəkin
