Ölkə ərazisində gecə saatlarından başlayan külək Yasamal rayonunda fəsadlara yol açıb
Hadisə Ölkə ərazisində gecə saatlarından başlayan külək fəsadlara yol açıb. ANS PRESS-in məlumatına görə, Bakı şəhəri Yasamal rayonunda binanın dam örtüyü uçub.
Hadisə Nizami metrostansiyasının yaxınlığında yerləşən yaşayış binalarından birində qeydə alınıb. Damın uşması nəticəsində binanın həyətində dayanan maşınlara ciddi xəsarət dəyib. Bir neçə maşın yararsız hala düşüb.
Qeyd edək ki, bu gün Ekologiya və Təbii Sərvətlər Nazirliyinin Milli Hidrometeorologiya Departamenti Azərbaycanda gözlənilən hava şəraiti ilə bağlı xəbərdarlıq edib. Məlumatda şimal küləyinin güclənməsi bildirilib.
