Azərbaycanın əməkdar artisti, tanınmış xanəndə Məhəbbət Kazımov bu gün dəfn edilib. Mərhum sənətçinin cənazəsi Bakıdakı evindən qaldırılıb. Məhəbbət Kazımov Xırdalan qəbiristanlığında torpağa tapşırılıb.
Məhəbbət Kazımov yanvarın 27-də dünyasını dəyişib. O, kəskin ürək ağrılarından və təzyiqdən əziyyət çəkirmiş.
Məhəbbət Kazımov 1953-cü il iyul ayının 2-də Laçın rayonunun Çorman kəndində anadan olub. İlk təhsilini Şamkənd kənd orta məktəbində alıb. Asəf Zeynallı adına Musiqi Texnikumunda oxuyub.
1976-cı ildən professional səhnədə çıxış edib. “Dan Ulduzu” ansamblının solisti, “Laçın” instrumental ansamblının rəhbəri olub. Üç övladı, bir nəvəsi var (apa).
