ARDNŞ hələ susur
Məlum olduğu kimi, “Global Witness” beynəlxalq təşkilatı SOCAR-ın tərəfdaşı Anar Əliyevin mətbuata verdiyi açıqlamalara münasibət bildirib.
Təşkilat Azərbaycan neft milyonçusunun müsahibədə əksini tapan fikirlərinə cavab verir. Təşkilat belə bir qənaətdədir ki, bu informasiyanın açıq olmaması SOCAR-ın öz tərəfdaşlarına himayə göstərdiyi və burada korrupsiya riskinin olması barədə şübhələr yaradır. Ancaq təşkilat dəfələrlə istər SOCAR-a, istərsə də cənab Əliyevə hesabatda qaldırılmış suallara cavab vermək imkanı yaratsa da, öz hesabatında qaldırdığı suallar hələ də cavab ala bilməyib.
Bu suallar SOCAR tərəfindən nə üçün məhz cənab Əliyevin şirkətlərinin seçilməsi, kontraktların hansı tenderlər əsasında verilməsi barədədir.
Həm SOCAR, həm də Anar Əliyev ilə bağlı təhqiqatlarını davam etdirmək niyyətində olan təşkilatın suallarına nə vaxt cavab veriləcək və ümumiyyətlə SOCAR-ın susması nə ilə izah olunur?
Bu suallarla bağlı Dövlət Neft Şirkətinin mətbuat xidmətinə müraciət etsək də, son vaxtlar zənglərimizə cavab verməyən ARDNŞ mətbuat xidmətinin rəhbəri Nizaməddin Quliyevi yenə də tapmaq mümkün olmadı.
Fizzə
