MTN-də Pərviz Həşimliyə telefon danışıqları da yasaq edilib
Vəkil Fariz Namazlı bu gün həbsdə olan jurnalist Pərviz Həşimli ilə görüşüb. O, “Azadlıq” a deyib ki, MTN-nin İstintaq Təcridxanasında saxlanılan jurnalist son bir ay ərzində ailəsi ilə görüşə bilməməyindən şikayətlənib. O deyib ki, ailəsi ilə telefon danışıqlarına da icazə verilmir. Pərviz Həşimli 1 ay əvvəl bu barədə MTN rəhbərliyinə məktub ünvanlasa da, rəhbərlik hələ də ona ailəsi ilə görüşməyə icazə vermir.
Pərviz Həşimli “Bizim Yol” qəzetinin parlament müxbiri, moderator.az saytının təsisçisi olub. 18 sentyabrda Səbail rayon Məhkəməsinin qərarı ilə jurnalistə qarşı həbs-qətimkan tədbiri seçilib. Beynəlxalq təşkilatlar P. Həşimlini vicdan və siyasi məhbus elan ediblər.
Sevinc Vaqifqızı
