Hazırda Ukraynada cərəyan edən proseslər Rusiyada da maraqla izlənir. Rusiya mətbuatı Kiyevdəki hadisələri diqqətlə izləyir, siyasilər hadisələrlə bağlı müxtəlif şərhlər verirlər. Tanınmış rusiyalı bloqqer Petr Ofitserov bloqunda Ukraynadakı olaylara bu cür münasibət bildirir: «Həftə ərzində baş verən olaylara diqqət yetirəndə qəribə hiss yaranır. Bolotnu prosesi ilə bağlı ortada sübutların olmamasına baxmayaraq, hakim ağlasığmaz cəzanın tətbiqini istəyir. Bu özbaşınalıqdır və ölkədə qanunsuzluğun hökm sürdüyünü göstərir. Hazırda Rusiyanın bütün siyasi elitası yalnız Ukraynadakı hadisələrdən danışır və onları müzakirə edir, sanki bu hadisələr Uzaq Şərqdə baş verir. Və ya daha pis. Elə təəssürat yaranır ki, Kiyevdə insanların öz və ölkələrinin talelərini müəyyən etməsindən bizim həyatımız da asılıdır».
