Müasir həyatımızın ayrılmaz bir hissəsi olan internetə təlabat hər ötən gün daha da artır. Azərbaycanda bu prosesdən kənarda deyil. Amma internet istifadəçilərinin ən çox şikayətləndiyi bir məqam Azərbaycanda fəaliyyət göstərən provayderlərin istifadəçilərə keyfiyyətli xidmət göstərə bilməməlridir. Azərbaycan İnternet Forumunun prezidenti Osman Qunduz də Azərbaycanda internetin keyfiyyəti ilə bağlı ciddi problemlərin olduğunu düşünür: «Vətəndaşlar bəlli bir sürətdə internet almaq üçün provayderlə müqavilə bağlayır və həmin surətin pulunu ödəyir. Amma evdə, ofisdə həmin internetin sürətini müəyyən edən proqramlara qoşulmaqla aldanıldığını görür. Müqavilədə göstərilən surətlə onun aldığı surət arasında kəskin fərq var. Aldığı sürət müqavilədə göstəriləndən çox azdır”.
Osman Gündüzün: «Yüz meqabit internet əgər yüz istifadəçi arasında bölünməlidirsə, provayderlər onu min istifadəçi arasında bölürlər»
O.Gündüzün sözlərinə görə, bu həmin provayderlərin məsuliyyətsizliyinin göstəricisidir. “Hətta bəziləri kobud desək, abonentlərdən oğurluq edərək internet istifadəçilərini çəkidə aldatmaqla məşğuldur. Yəni müqavilədə nəzərdə tutulan surəti istifadəçiyə vermir. Bu ilk növbədə Rabitə və İnformasiya Texnologiyaları Nazirliyi, həmçinin İqtisadi İnkişaf Nazirliyinin tərkibində fəaliyyət göstərən “İstehlakçıların hüquqlarının qorunması” ilə bağlı olan qurumdan birbaşa asılıdır. İzlənilən problem internet provayderlərinə bu iki təşkilat tərəfindən zəif nəzarət edilməsinin nəticəsidir. Bu uzun müddətdir ki davam edir və provayderlərin əksəriyyətində belə bir problem var. Bunun qarşısının alınması üçün istifadəçi ona verilən sürəti aktlaşdırmalıdır. İnternetdə aktlaşdırmanı həyata keçirmək üçün ayrıca proqram var. Burada surətin nə qədər olması dəqiq ölçülür. Həmin əməliyyatları apararaq, çap edərək həmin provayderi məhkəməyə verə bilər. Bu istifadəçilərin hüququdur. Düşünürəm ki, aldanıldığını bilən hər bir kəs bunu edə bilər”.
İnternet oğurluğunun ciddi bir fakt olduğunu deyən O.Gündüzün fikrincə, aidiyyatı qurumlar bununla bağlı tədbir görməlidirlər: «Vətəndaşa müqavilədə əks olunanandan az internet sürətin təqdim olunmasının müəyyən obyektiv səbəbləri də ola bilər. Amma bu problemin 10 faizini əhatə edir. Əgər vətəndaşın evinə və ya ofisinə gələn telefon xətti köhnədirsə, xətt suyun içərsindən keçirsə provayderlərin göndərdiyi internet yolda itə bilər. Amma bu hamıya aid dola bilməz. Çünki hazırda çox adam intenet xidmətlərindən kabel televiziyası, mobil telefonlar vasitəsilə istifadə edir. Burada günah qalır Rabitə və İnformasiya Texnologiyaları Nazirliyinin üzərində Çünki bu telefon xətti nazirliyə məxsusdur. Bu infrastruktur yaxşılaşdırılmalıdır ki, internet istifadəçiyə normal sürətdə gedib çıxsın».
Azərbaycanda bütün provayderlərin interneti bir nöqtədən «Delta Telekom»dan aldığını deən O.Gündüzün vurğuladı ki, provayderin aldığı internet onun istifadəçilərinin sayına mütanasib olmalıdır: «Amma Azərbaycandakı provayderlərin əksəriyyəti aldıqları interneti liimitdən çox adama satırlar. Məsələn, yüz meqabit internet əgər yüz istifadəçi arasında bölünməlidirsə, provayderlər onu min istifadəçi arasında bölürlər. «Delta Telekom» öz saytında provayderlərə verdiyi internetin sürətini göstərir. Amma Rabitə və İnformasiya Texnologiyaları Nazirliyi bizə provayderlərin sayını, müştərilərə təqdim etdikləri internetin sürəti barədə məlumatı bizə vermir ki, müqayisə aparaq. Biz provayderin nə qədər internet aldığını bilsək də,onu neçə adama satdığını bilmirik».
Müşviq Əmirov: “Biz vaxtaşırı olaraq vətəndaşların bu cür problemlərlə bağlı müraciətlərinə baxır və onları araşdırırıq“
Rabitə və İnformasiya Texnologiyaları Nazirliyinin Mətbuat Xidmətinin rəhbəri Müşviq Əmirov bildirdi ki, nazirlik internet satışı ilə məşğul olmur. Bunu provayderlər həyata keçirir. İnternet xidmətləri ilə bağlı problemləri də məhz provayderlərlə həll etməyə çalışmaq lazımdır: «Biz vaxtaşırı olaraq vətəndaşların bu cür problemlərlə müraciətinin şahidi oluruq. Həmin müraciətlərə baxır və onları araşdırırıq. Bəzən texniki nasazlıq üzündən internet xidmətlərinin təqdimatı istiqamətində problem yaşanır. Amma bu hal daimi ola bilməz».
Hikmət
