“Hökumətin problemin həlli üçün addım atacağına inanmıram”

Mirvari Qəhrəmanlı: «Avropa Şurasının məruzəçiləri də açıq etiraf edib ki, Azərbaycan neftin əsiridir»

 

Bugünlərdə “Human Rights Watch” təşkilatı Azərbaycanda insan haqları ilə bağlı növbəti hesabatını açıqladı. “Azadlıq”ın ötən saylarında xəbər verdiyimiz kimi, “Azərbaycan: Insan haqlarına basqılar arasında seçki” adlanan hesabatda ölkəmizdə 2013-cü ildə insan haqlarının durumu təhlil edilib.

Hesabat müəllifləri Azərbaycanda seçki ilində həyata keçirilən repressiyalar, tənqidçi jurnalistlərə qarşı hücumlardan tutmuş, qanunvericiliyə mürtəce dəyişikliklərə qədər bir çox pozuntular öz əksini tapıb.

Hüquq müdafiəçisi Mirvari Qəhrəmanlı “Human Rights Watch”ın dəyərləndirməsini obyektiv hesab edir. Bildirir ki, Azərbaycan hökuməti insan hüquqları və demokratiya ilə bağlı beynəlxalq təşkilatlar qarşısında üzərinə götürdüyü öhdəlikləri bu günə qədər yerinə yetirməyib: “Siyasi məhbusların sayı ilbəil artır. Hazırda Azərbaycandakı siyasi məhbusların sayı 140 nəfərə çatıb. Siyasi məhbusları yalnız onlara verilən həbs cəzalarının bitməsinə 1-2 il qalmış azad edirlər”.

Hüquq müdafiəçisi onu da qeyd edir ki, siyasi məhbusların azalması istiqamətində hökumətin hansısa real addımlar atacağına inanmır: “Avropa Şurası Parlament Assambleyası məruzəçilərinin özləri də bugünlərdə elan etdilər ki, bu ölkə neftin əsiridir”.

Nigar