Bu gün informasiya maarifçiliyinin qiymətini vermək çətindir, çünki məhz onun vasitəsilə dünya bu və ya digər hadisələrlə bağlı həqiqətləri öyrənir. Bununla bağlı Çapay Sultanovun “İmperiyanın sonuncu zərbəsi. Bakı, 20 yanvar 1990-cı il” kitabını qeyd etmək istərdim, çünki bu kitab sayəsində dünya 20 yanvar 1990-cı il tarixdə Bakıda baş vermiş hadisələrlə bağlı həqiqətlərə yiyələnmişdir. Kitab rus, türk (iki dəfə) və ingilis dillərində çap edilmişdir.
Bu kitabın türk və ingilis dillərində çap edilməsində azərbaycan-türk sahibkarlar cəmiyyəti böyük yardım göstərmiş və xoşbəxtəm ki, bu kitabların nəşr edilməsində mən də əlimdən gələn yardımı etmişəm. Bu cəmiyyət təkcə kitabların nəşr edilməsi ilə deyil, o cümlədən həmin kitabların Avropanın aparıcı kitabxanalarına yerləşdirilməsi ilə də öz yardımını göstərmişdir.
Bu kitablar müəllifin www.sultanov.azeriland.com səhifəsində olan internet-kitabxanasında da mövcuddur. Həmin internet səhifədə digər kitablar da vardır:
“Neft” – Bakı, 2000;
“İblis damğalı” – Bakı, 2001. 2008-ci ildə bu kitab azərbaycan dilində də çap edilmişdir.
“Basqın” 2 cild, Bakı, 2004;
“İmperiyanın sonuncu zərbəsi. Bakı, 20 yanvar 1990” – Bakı, 2004. Bu kitab ingilis və türk dillərinə tərcümə edilmişdir: “The Last Blow From The Empire. Baku, 20 January 1990” – Baku, 2008; “İmparatorluğun son darbesi, Baku, 20 Osak 1990” – İstanbul, 2008, Baku, 2008;
“Bakı nefti itirildiyi halda SSRİ və Avropa faşizmə davam gətirə bilərdilərmi” – Bakı, 2005. 2008-ci ildə bu kitab ingilis dilində çap edilmişdir: “Would The Allies Have Won Without Baku Oil”;
“XXI əsrin neft-qaz strategiyaları və siyasəti” – Bakı, 2008;
“Şahmat haqqında, habelə…” – Bakı, 2009;
“Şahmat nöqteyi-nəzəri ilə..” – Bakı, 2009;
“Cənubi Qafqaz üzrə siyasi və iqtisadi etüdlar (1850 – 2010-cu illərin xronikası) – Bakı, 2010;
“Tarix felin lazım formasını sevmir, yenə də..” – Bakı, 2011;
“Qarşıdurma” – Bakı, 2011;
“İstedadın hüdudları” – Bakı, 2012;
Azərbaycan, rus və ingilis dillərində “Azərbaycan” albomları – 2012, 2013-cü illərdə;
“Azərbaycan elektroenergetikası” albomu, 2013.
Şübhəsiz ki, www.sultanov.azeriland.com səhifəsi Azərbaycanın ən dolğun informasiya saytlarından biridir. Müəllifin icazəsi ilə bir çoxları “İmperiyanın sonuncu zərbəsi. Bakı, 20 yanvar 1990” kitabını öz saytlarında yerləşdirmişlər.
Bu illər ərzində müəllifin səhifəsini dünyanın 50-dən çox ölkəsindən, o cümlədən Rusiya, ABŞ, İngiltərə, İtaliya, Almaniya, Latviya, Litva, Estoniya və digər ölkələrdən 5 milyondan çox insan ziyarət etmişdir. Müəllifin chapay@azdata.net poçt ünvanına çoxsaylı şərhlər daxil olmuş və bu davam etməkdədir.
1990-cı ilin 20 yanvar hadisələrindən verilişlər hazırlayan bütün xarici televiziya şirkətləri “İmperiyanın sonuncu zərbəsi” kitabından istifadə edirlər. Bu kitab demək olar ki, 1990-cı ilin 20 yanvar hadisələrinə həsr edilmiş bütün internet-forumlarda gündəmdədir. 1990-cı ilin 20 yanvar hadisələrinə həsr olunmuş film çəkilərkən Çapay Sultanov general Fərhad Vahabovla birlikdə bu barədə məsləhətləşmələr aparmışlar.
Bu kitabla bağlı gələcək planlar barədə professordan soruşduqda, o bildirmişdir: “Bu kitabı fransız, alman və italyan dillərində çap etdirmək niyyətindəyəm və bu istiqamətdə ilk addımlar artıq atılmışdır. İmperiyanın sonuncu zərbəsini üzərinə götürmüş və bu zərbəyə tab gətirməklə bütün sovet xalqlarına yardım etmiş azərbaycan xalqının qəhrəmanlığını bütün dünya bilməlidir”.
Bəli, bu belədir – müəllif bu və sonrakı kitablarında əsaslı faktlarla sübut edir ki, SSRİ Belovej Meşəsində deyil, 20 yanvar 1990-cı il tarixdə Bakıda dağılmışdır.
Hörmətlə, Aslan İsmayılov
