Vəfa Quluzadə: «Olimpiada qabağı Avropa Birliyinin və Qərb dövlətlərinin Rusiya ilə bağlı iddia və narazılıqları var»
“Reuters” xəbər agentliyinin məlumatına əsasən, Avropa Birliyi (AB) Brüsseldə keçiriləcək AB-Rusiya sammitində prezident Vladimir Putinlə ediləcək ənənəvi işgüzar naharı ləğv edib. Bununla da, AB Ukrayna məsələsində Moskva ilə mübahisədən sonra hər şeyin əvvəlki kimi olmadığını göstərmək istəyib.
AB ilə münasibətlər gərgin olsa da, prezident Putin yanvarın 28-də Brüsselə səfər edəcək və AB-nin yüksək rütbəli rəsmiləri ilə ildə iki dəfə keçirilən sammitdə iştirak edir. Adətən iki gün davam edən sammit bu dəfə işgüzar nahar ləğv edildiyi üçün bir gün çəkəcək.
Sammit zamanı Putinlə naharın ləğv edilməsi təsadüfi görünmür. Çünki Rusiyanın Ukraynaya Brüssellə yaxın əlaqələrə son qoymaq üçüe təzyiq etməsi rəsmi Moskvanın Avropa Birliyi ilə münasibətlərini daha da gərginləşdirdi.
Bu, Avropa rəsmilərinin Rusiyaya mesaj sayılacaq ilk addımı deyil. Soçidə keçiriləcək qış olimpia oyunları ərəfəsində bir neçə dövlət başçısı bu tədbirə qatılmaqdan imtina etdi. Görünür, nahardan imtinanın da arxasında müəyyə mesajlar dayanır.
Politoloq Vəfa Quluzadə olimpiada qabağı Avropa Birliyinin və Qərb dövlətlərinin Rusiya ilə bağlı iddia və narazılıqlarının olduğunu deyir. Çünki Rusiyada qəbul olunan bir sıra qanunlar Avropa Insan Hüquqlarını pozan qanunlar hesab olunur. Ola bilsin, buna etiraz olaraq Putinlə birgə nahar etməmək üçün bu addım atılıb.
Fizzə
