Zərdabda evdə baş verən yanğında möcüzə yaşanıb. ANS PRESS-in məlumatına görə, yanğın hadisəsi yanvar ayının 11-də rayon sakini Hüseynov Valik Əli oğluna məxsus evdə qeydə alınıb. Ev sahibinin ANS PRESS-ə verdiyi məlumata görə, hadisə saat 04:56 radələrində ümumi sahəsi 144 kv.m olan 2 mərtəbəli 5 otaqlı ev yanıb. “Ehtimala görə, yanğına səbəb elektirik xəttində yaranan qısaqapanma olub. Nəticədə 7 nəfərdən ibarət iki ailə evsiz qalıb. Evdə 20 min manatlıq qızıl-ziynət əşyası və 50-60 minlik ev əşyaları olub. Bundan əlavə yanvarın 29-da toyu olacaq qızım üçün ayırdığım 4 min manat nəğd pul külə dönüb”. Ev sahibinin sözlərinə görə, ev tamamilə yarasız hala düşsə də. müqəddəs Qurani Kərim kitabına demək olar ki, heç bir şey olmayıb.
