İspaniya kralı Xuan Karlosun kiçik qızı məhkəmənin onun fırıldaqçılıq və pulların yuyulmasına işi ilə bağlı dindirilməsi üçün order verməsindən şikayət etməyib. Şahzadə Kristinanın vəkili bildirib ki, onun gizlədəcəyi heç nəyi yoxdur.
Hazırda şahzadə şübhəli qismindədir və martın 8-də məhkəmə qarşısına çıxmalıdır.
Palme-de-Mayorka məhkəməsinin hakimi şahzadənin Aizoon şirkəti ilə tərəfdaşlığına dair sullara cavab vermək üçün onun dindirilməsinə order verib. Ehtimallara görə, bu şirkətin vasitəsilə şahzadənin əri İnyaki Urdanqarin dövlət büdcəsindən oğurladığı pulları yuya bilərdi. Bu ölkənin yeni tarixində ilk belə haldır ki, kralın yaxın qohumu cinayətdə şübhəli bilinsin.
azadlıq.info
