Fransa prezidenti Fransua Ollandın eşq macərası yaşadığı haqda məlumat yayılıb. Tanınmış aktrisa Julie Qayetlə eşq macərasında olduğu açıqlandıqdan sonra Olland şəxsi və siyasi böhran vəziyyətinə düşüb.
Britaniya mediasının məlumatına görə, Fransa prezidenti bəyan edib ki, bu barədə xəbərləri yaymış “Closer” jurnalını onun şəxsi həyatına müdaxilə etdiyi iddiası ilə məhkəməyə verəcək.
Olland ölkənin “birinci ledisi” ilə vətəndaş nikahındadır və aktrisa Julia Qayetlə gizli münasibətlərini təkzib etməyib.
Britaniya jurnalı “Closer”in fransız nəşri prezidentin “eşq macərası” barədə 7 səhifəlik fotolu məqalə dərc edib.
Ərindən boşanmış iki uşaq anası xanım Qayet əsasən seks səhnələri ilə dolu olan 70-dən çox filmdə çəkilib.
“Closer” bildirib ki, xanım Qayetin vəkillərinin ricası ilə fotoları öz internet saytından çıxarıb, lakin bu, yayılan məlumatın doğruluğuna şübhə yaratmamalıdır.
“Closer”in fransız nəşrinin sözügedən sayı köşklərdən yığışdırılmayıb (“Azadlıq” radiosu).
