Zakir Qaralov Sumqayıtda qəbul keçirəcək

Baş prokuror Zakir Qaralov yanvarın 24-də saat 11:00-da Sumqayıt şəhər prokurorluğunun inzibati binasında Sumqayıt şəhəri, Abşeron, Qubadlı, Xızı və Zəngilan rayonlarında yaşayan vətəndaşların qəbulunu keçirəcək.
Bu barədə Baş Prokurorluğun mətbuat xidmətinin yaydığı məlumatda deyilir ki, qəbula gəlmək istəyən vətəndaşların qeydiyyatını və Sumqayıta gəlmələrini müfaviq rayon prokurorları təmin edəcək.
Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun Müraciətlərə baxılması idarəsinin-437-28-79-nömrəli-və contact@prosecutor.gov.az electron poçt ünvanı vasitəsilə də qəbula yazıla bilərlər.