Yanvarın 9-da “El” Hərəkatının İdarə Heyətinin toplantısı keçirilib. Toplantı barədə “Azadlıq”a məlumat verən Hərəkatın Məclis sədri Eldəniz Quliyev deyib ki, Milli Şura ətrafında son baş verənləri və “El”in bu qurumda qalıb-qalmamasını müzakirə ediblər. Qərara gəlinib ki, bu məsələlər daha geniş formatda müzakirə olunsun: “Biz bu məsələləri Milli Şuradakı ictimai təşkilatlar, ziyalılarla müzakirə edib, sonra yekun qərar verəcəyik. Güman edirəm, yekun qərarımız gələn həftə bilinər”.
“El” İdarə Heyətinin toplantısından əvvəl bu təşkilatın Milli Şuradan çıxmaq qərarı verəcəyi haqda məlumatlar yayılmışdı.
