Azərbaycanda ilk dəfə olaraq Masallı rayonunun Boradigah qəsəbəsində alternativ və bərpa olunan enerji ilə işləyən İdman Mərkəzi istifadəyə verilib. ANS PRESS-in məlumatına görə, 1600 kvadratmetr ərazini əhatə edən idman mərkəzinin elektrik sistemini günəş panelləri təmin edir.
Gənclərin asudə vaxtlarının səmərəli təşkili üçün idman mərkəzində mini-futbol, voleybol, basketbol, həndbol, güləş, eləcə də məşq otaqları, trinajorlar quraşdırılıb.
Alternativ və Bərpa Olunan Enerji Mənbələri üzrə Dövlət Agentliyinin sifarişi ilə 1600 kv. metr ərazidə inşa edilən idman mərkəzinin elektrik sistemi günəş panelləri ilə təmin edilib. Binanın damında 70 kilovat enerji verən 280 ədəd günəş panelləri quraşdırlıb. İdman mərkəzinin qızdırılması üçün, 90 kilovat istilik enerjisi qurulub. Belə bir idman qurğusunun mərkəzdə yox, qəsəbədə inşa edilməsi sakinlərin ürəyincə olub.
2,5 hektar ərazini əhatə edən idman mərkəzinin ərazisində gələcəkdə stadion və otelin tikilməsi də nəzərdə tutulub.
