Daha bir məşhur futbol ulduzu karyerasını “Qalatasaray”da davam etdirə bilər.
Virtualaz.org Türkiyə mətbuatına istinadən xəbər verir ki, İtaliya yığmasının “Milan”da çıxış edən forvardı Mario Balotelli İstanbul klubuna keçməyə yaxındır.
Bildirilir ki, “Qalatasaray” rəsmisi Bülənt Tulun İtaliyaya yollanaraq 23 yaşlı futbolçunun meneceri Mino Raiola ilə danışıqlar aparıb. Tulunun “Qalatasaray”ın prezidenti Ünal Aysala verdiyi məlumata görə, Balotelli yanvar ayında “Milan”dan ayrılacaq.
M.Raiola da Birləşmiş Ərəb Əmirliklərinin “The Nation” qəzetinə açıqlamasında Balotellinin yanvarda “Milan”dan ayrılacağını təsdiqləyib. Futbolçunun meneceri bir çox klublarla danışıqlar apardıqlarını bildirsə də təklif aldıqları komandaların adlarını açıqlamayıb.
