Tanınmış türk müğənnisi Ebru Gündeş yeni ili polis bölməsində keçirib. O, əri Rza Zərrabın həbsi ilə bağlı dekabrın 31-də ifadə verməyə dəvət edilib. ANS PRESS-in “Milliyet”ə istinadən verdiyi xəbərə görə, müğənninin tez-tez həyat yoldaşını ziyarət etməsi və hər gün 45 dəqiqə görüşmələrilə bağlı səslənən fikirlərə aydınlıq gətirən vəkili Şeyda Yıldırım bunun həqiqətə uyğun olmadığını deyib:
“Hər gün görüşməsi doğru deyil. Ebru Gündeş saxlanılanların həyat yoldaşlarının görüş günləri Rza Zərrabı ziyarət edə bilir. Ondan əlavə, iki dəfə icazə alaraq görüş keçirmişik. Görüşlər də qapalı keçirilir. İbrahim Tatlısəs isə özü gürüş üçün icazə alaraq gedib. Biz orada təsadüfən qarşılaşdıq. İnsanlar qəribə şeylər yazırlar. Üstəlik də “tvitter”də məni də qeyd edərək yazırlar. Bir araşdırın, öyrəninin, sonra münasibət bildirin”.
