2013-cü il dekabrın 30-u axşam saatlarından başlayaraq “Media forum” saytına haker hücumları şiddətlənib. Bu səbəbdən sayt fəaliyyət göstərə bilmir. Bu barədə xəbəri “Media forum” saytının redaksiyası yayıb.
Bildirilir ki, “Media forum” saytına haker hücumları ötən il dekabrın 19-dan başlayıb. Hakerlər “Media forum”un serverinə göndərdikləri aramsız sorğular nəticəsində saytın normal fəaliyyətini təmin etməsinə imkan vermirlər. Dekabrın 30-u axşamdan bəri hücumların qarşısını almaq heç mümkün deyil. Hücumlar xaricdəndir və ana səhifəyə eyni anda yüz minlərlə sorğu göndərilir.
