Kiyevin patriarxı Filaret 2014-cü ildə Ukrayna üçün ən böyük təhlükənin Gömrük İttifaqına üzvlüyün ola biləcəyini söyləyib. Filaret Rusiyanın imperialist addımlarını kəskin tənqid edərək, yalnız Avropa Birliyinə üzvlüyün Ukrayna dövlətini xilas edə biləcəyini düşünür: «Avropa Birliyinə daxil olan dövlətlərin hamısı müstəqildir. Əgər Ukrayna da bu təşkilata daxil olsa öz müstəqilliyini və suverenliyini qoruyub saxlamış olacaq. Yox əgər, Ukrayna Gömrük İttifaqına üz tutsa, bu imkanlardan məhrum olacaq. Rusiyanın hazırda yürütdüyü siyasət imperialist siyasətdir və Ukrayna, Moldava, Qazaxıstan, Ermənistanı tərkibinə qatmaq məqsədi daşıyır. Bunun qarşısını necə almaq olar? Bunun üçün xalq bu gün Maydanda dayandığı kimi, sona qədər mübarizə aparmalıdır. Əgər cəmiyyət bir şeyi istəmirsə, onu güc yolu ilə uzun müddət topluma məcbur etmək olmaz».
Xəyal
