Gürcüstan parlamentinin üzvü Zurab Çaparidzenin tələbi ilə prokurorluq baş prokurorun ali təhsili ilə bağlı bəyanat yayıb. Bəyanatda baş prokuror Partsxaladzenin 15 yaşında orta məktəbi və 19 yaşında ali məktəbi başa vurduğu qeyd olunur. Lakin prokurorluğun bu açıqlaması deputatı qane etmir.
Çaparizde iddia edir ki, Partsxaladze 1991-ci ildə universitetə qəbul oluna bilməzdi. Çünki bunun üçün əvvəl orta məktəbi bitirmək lazım idi. Bundan əlavə, onun təhsil aldığı Açıq Humanitar Universitetdə 1991-ci ildə hüquq fakültəsi yox idi. Deməli Partsxaladze 19 yaşında hüquq təhsili ala bilməzdi.
Çaparizde bütün bunlara əsaslanaraq baş prokurorun diplomunun saxta olduğunu iddia edir. Bu səbəbdən də parlamentdə baş prokurorun istefası ilə bağlı tələb səsləndirilib.
azadlıq.info
